Generelt om studiet

Sjukepleiarutdanninga ved Høgskulen i Nesna er lagt opp som eit fireårig deltidsstudium. Teoriundervisninga er samlingsbasert, og utgjer ca 40 veker. Mesteparten av teoriundervisninga er obligatorisk. I tillegg er det obligatoriske møte i faste basisgrupper mellom teorisamlingane. Obligatoriske praksisstudium utgjer ca. 50 veker. Eksamenar, skriftlege oppgåver og andre arbeidskrav kjem i tillegg til teoriundervisninga og praksisstudia. Samlingane er lagt til Høgskolens lokaler i Sandnessjøen.
Stilling større enn 25% ved sida av studia let seg vanskelig kombinere.

Innhold i studiet

Hovudfaget er sjukepleie. Fagtilfanget elles omfattar bl.a. anatomi, fysiologi, biokjemi, sjukdomslære og patologi, mikrobiologi, hygiene, førebyggjande helsearbeid, psykologi, sosiologi, sosialantropologi, lovgiving, filosofi, vitskapsteori, forsking og forskingsmetode. Ein føreset at delar av pensumet blir tileigna ved sjølvstudium.
I sjukepleiarutdanninga blir det lagt vekt på aktiv medverking frå studentane, alternative pedagogiske opplegg og den enkelte student si personlige livserfaring og utvikling. Her under har song, dans, drama, forteljingar og samhandlingsprosessar mykje å seie. Ein legg stor vekt på evna til etisk refleksjon og på at ein er personleg eigna til å bli sjukepleiar.

Praksis

Praksisstudia omfattar grunnleggjande og generell sjukepleie; sjukepleie i spesialist-helsetenesta (sjukehus); sjukepleie i relasjon til førebyggjande helsearbeid; sjukepleie i forhold til gamle; sjukepleie i forhold til barn; sjukepleie i psykisk helsevern og heimesjukepleie. Ved sjukepleiarutdanninga ved Høgskulen i Nesna er praksisstudia rettleia av sjukepleiar ved den enkelte avdelinga/eininga og av lærar frå utdanninga.
Praksisstudia i kommunehelsetenesta gjennomførast i hovudsak i kommunar på Ytre Helgeland; i spesialisthelsetenesta i regelen ved Helgelandssjukehuset, avdeling Sandnessjøen.
Høgskulen i Nesna tilbyr også studium i utlandet: Delar av sjukehuspraksis (spesialisthelsetenesta) kan søkast gjennomført ved sjukehus i Sør-Afrika som høgskolen har innleia samarbeid med. Det kan også søkast om praksisstudium i barneheim ved Matatiele Crossroad Child Care i Sør Afrika.

Klasserom på nett
Alle studier ved Høgskolen i Nesna har sitt eget klasserom på nett. Her vil du til enhver tid finne oppdatert informasjon om alt som skjer i klassen din, og på Høgskolen i Nesna. Her finnes oppslagstavler og chatterom der du kan ha kontakt med medstudenter og lærere, det finnes timeplaner og ukeoversikter, studiemateriell, informasjon fra utdanningsledere, faglærere, studiesjef og eksamenskontoret.

Internasjonal utveksling

Den enkelte studenten kan søke om særskilte opplegg for praksisstudium i Sør-Afrika og i alle land i Europa.

Veien videre - jobb og studium

Arbeidsmarknaden på landsbasis i Noreg for sjukepleiarar varierer i nokon grad. På Helgeland er det for tida etterspørsel etter sjukepleiarar i kommunehelsetenesta; i spesialisthelsetenesta kan ein pårekne å måtte arbeide i vikariat ei tid etter avslutta utdanning før fast tilsetjing blir aktuelt. Endringar i befolkningssamansetninga i Noreg, med høgare tal på gamle menneske, tilseier at behovet for sjukepleiarar generelt ikkje vil gå ned. Med ein bachelor i sjukepleie frå Noreg er det også gode arbeidsmoglegheiter i utlandet.