Norsk 2B

Emnekode: NOR212

Emnetype: Vurdering

Omfang: 15 stp

Talet på semester:1

Startsemester: Vår

Studium

Emnet høyrer til Norsk 2

Forkunnskapskrav

Norsk 1

Læringsutbytte

Kunnskapar og forståing
Studentane

• har kunnskap om fleirspråklegheit, fleirspråkleg praksis og om det å lære norsk som eit andre språk
• har kjennskap til språktypologi og mellomspråkanalyse
• har utvida innsikt i korleis elevar på ungdomssteget kan vidareutvikle skriveferdigheitene sine, både elevar med norsk som første språk og norsk som andre språk
• har kunnskapar om kva for funksjonar lesing og skriving har hatt og har i kulturen vår og om kva som kjenneteiknar språkleg kommunikasjon i ulike medium
• har god innsikt i språklege endringsprosessar i fortid og samtid
• har ein viss innsikt i dei grammatiske forskjellane mellom gammalnorsk og moderne norsk og dei viktigaste lydendringane i eldre tid
• har inngåande kunnskap om norsk språkhistorie etter 1800 og om gjeldande normering av bokmål og nynorsk
• har god innsikt i talemålsvariasjonen i moderne norsk

Dugleikar

Studentane

• kan kartleggje og vurdere lese- og skrivedugleikar, setje i verk relevante tiltak for tilpassa opplæring og oppdage lese- og skrivevanskar
• kan setje i gang, rettleie og vurdere munnleg, skriftleg og samansett tekstproduksjon hos elevar på ungdomssteget og grunngje karakterane ein set
• kan rettleie elevar i ulike former for munnleg og skriftleg argumentasjon
• kan samanlikne tekstar skrivne for ungdom og vaksne med omsyn til innhald, form og funksjon
• kan rettleie elevar i bruk av litteraturfagleg kjeldemateriale
• kan bruke læreplanen i faget til å formulere mål for norskopplæringa og relevante kriterium for vurdering

Generell kompetanse

Studentane

• kan vurdere norskfaget og eigen praksis som norsklærar og grunngi vurderingane
• har innsikt i norskfaget ut frå forsking og i høve til fagets historie og kan reflektere kritisk og konstruktivt ut frå slike perspektiv på faget
• kan rettleie elevar i arbeidet med tekstar slik at dei kan utvikle seg sjølve, skaffe seg kunnskapar og førebu seg for aktiv deltaking i offentlege rom og samfunnet som eit heile

kan sjå faget i eit større danningsperspektiv og undervisninga som ein del av opplæringa i eit aktivt deltakardemokrati

Faglig innhald

Emnet byggjer på Norsk 1 og føreset at mange didaktiske emne er gjennomgått der. Modul B er hovudsakleg språkleg. Arbeidet med norskdidaktiske tema held fram - med emne som elevtekstanalyse, vurdering, norsk som andre språkundervising, lærebokanalyse, lese- og skrivestrategiar og lesemotivasjon. Studenten får innsikt i eldre språkhistorie og dialektkunnskap.

Lesing og skriving

Studentane arbeider med å utvikle eigen skrivekompetanse i ulike sjangrar, med leseforståing, lesestrategiar, lesemotivasjon, sjangrar og sjangerundervisning.

Praksis

Nei.

Læringsformer

• Studentane vil møte eit variert utval av undervisnings- og læringsformer - individuelt arbeid, gruppearbeid, i tillegg til førelesingar og seminar. Det er lagt inn ein munnleg presentasjon for studentane.

• Studentane får i praksisperiodane høve til å prøve ut opplegg som heng saman med undervisninga i dei to studieåra. Røynslene frå praksis dannar saman med fagleg kunnskap og fagdidaktisk refleksjon i studiet den naudsynte lærarkompetansen med norskfaget i sentrum.

Krav til arbeidsinnsats

Vilkår for å gå opp til eksamen

Følgjande arbeidskrav må vere oppfylte før ein kan framstille seg for eksamen:

Deltaking:

Obligatorisk deltaking


Skriftlege innleveringar og anna:

• 1 notat knytt til eit språkleg emne
• Ein fagtekst/fagoppgåve 2500-4000 ord
• Ein munnleg presentasjon

Eksamen

Eksamen består av:

• Skuleeksamen 6 timar. Målform: Bokmål. Vekting: 100 %. Hjelpemiddel: Ordliste.

Ved vurdering av eksamen nyttast karakterar etter en skala frå A til E for bestått, og F for ikkje bestått, med A som beste karakter.

Blir tilbydd som enkeltemne

Ja.

Opent for privatistar

Nei.

Studiepoengreduksjon

Dersom studenten har Norsk 2 frå HiNe frå tidlegare eller tar emnet parallelt i eit anna program, vil studenten ikkje få studiepoengsutteljing for dette emnet.

Ansvarleg avdeling

Avdeling for kultur og samfunn

Godkjent

26.03.2012, Renee Waara dekan, ASK